Rolling Stones A DordolE! Dordole, di lûc spierdût dal Friûl a cûr da l‘Europe, cûr resistent al domini coloniâl dai dius dal Olimp! Cheste la olme ch‘a la cjape pît la opare teatrâl Sisifo ta version scrite di Yulia Izmaylova e Felix Strasser, metude in sene a e par Dordole dal regjist Marjan Stikar, cui grops teatrâi Trota Mora e Zora e lis musichis dal composidôr Jozej Sticker. Sîs lis lenghis dal test: grec, sloven, todesc, italian, ingleis e furlan (di Dordole e di Cjasarse). Ta cheste version moderne dal mît grec di Sisifo (condanât in eterni a pocâ di rive su un clapon che a un pas da la mete al torne a rodolâ dapît da la rive) i autôrs an dat vite a di un paralelisim cun »I Turcs tal Friûl« at unic di rapresentazion epiche contadine di Pier Paolo ­Pasolini. Eco duncje che la ostarie di Dordole la devente la cort dai Colús, i dius concuistadôrs - Zeus l‘omperadôr, Ermes il cancelîr, Thanatos il prefet - a deventin i Turcs da la tragjedie pasoliniane, Sisifo, che al uce il popul al riviel, al é il Meni Colús da la Val Aupe. Dut chest riviodût e insiorât dai autôrs (che a imbasdissin personačs, dialigs e côr tal plen rispiet da la tradizion elleniche) e metût in scene tal palc »naturâl« dulintôr la place di Dordole.

Gradita la prenotazione al indirizzo email: proloco@moggioudinese.info | Per info: +39 334 395 3313 | Ingresso a offerta libera!